Monday, November 21, 2011

Entry - 113 " North Sabual "

Ka Pu Lalkhawhnawka (Ka Pi Pa) North Sabual Lal hnu hnung ber lal na mual chu tum lawkna awm em em lovin ka zuk tlawh a. Mamit lam ah hna tul avangin ka zuk kal a, Mamit atang chuan hnai tak a ni. Khaw thlang district ah chuan Mamit disrtict hi district pawimawh tak pakhat a ni bawk.
North Sabual khua hi tun thleng hian development lamah hma tam lak a ni lova, a chhan chu Mamitah sawikhawm an nih avangin mi tam zawk chu Mamit lamah an in beng bel zui ta a ni.Ka Pu Lal hun lai chuan Mamit khua aiin North Sabual chu khaw lian zawk niin an sawi.
















































A chung a mi khi Lal mual a ni a, a nuam ve khawp mai.

















Khaw chhung.










Lal In hmun hlui.


































 Lalkhawhnawka Thlan lung.

















Sanghal Sa pawh ka ei ve a.


















North Sabual khua chu a zo khawp mai a, a vawt hle bawk. Ram pawh a la ngaw tha hle a, thing a tam em em bawk. Lalkhawhnawka thlah ten thlawh bawk ang in an la han luah reng a ni. Kan laina te ho vawikhat in hmuhna te a ni nawk hlawm a, Ka nu hming ka sawi reng a ngai bawk, a chhan chu ka vawikhat tlawh chhuahna a nih avangin tumah hriat lawk ka nei lem lo. Ka vannei a siamin ka han tlawh ni tak hian, sanghal an lo kap a, tun tum hi sanghal sa ka ei vawikhat na a ni bawk. Ti chuan hlim takin North Sabual khua chu ka chhuah san leh ta a.

Sunday, August 07, 2011

Entry - 112 "Gate way of the North East"

Guwahati, Gate way of the north east is now rapidly growing in economy. Many new companies  are come in and set up bussiness for the north east region. The airport facilities are also much better than before. This is my revisit after seven years. Huge changes during this seven years ago.


















Many shopping malls are also coming up.

















Health Care group of companies are much better than before.



















Beautiful house construction.
















Mizoram Synod has Guest House. Its very clean and cozy. They serve homely food.



















My School mate with her family at Guwahati. Her husband Rev H.Lalhmingmawia serve under Mizoram synod as a Pastor.


Monday, May 23, 2011

Entry - 111 " Kan huan thlai te"

Kan lo neih atangin hei thla chu a liam ve zel a. Kang var a kan thlai chin te pawh a then chu a thar kan lo ei ve thei ta reng mai. Kumin chu hei ruah tui pawh a hun takah a tla tha a, thlai pawn an that phah hle in ka hria.

Vaimin pawh a tha khawp mai.


































Mai kan tuh te pawh a duah tha em em mai a, kan hlim khawp mai. Mahni thlai chin ngei mai han hmuh chu a lawmawm dan a dang khawp in ka hria.


















Maite pawh kan ei ve tep ta e.

















Fanghma te pawh ti hian a lo zam ve dem dem a.  A rah ve thuai kan beisei.

















Hmarchate pawh a tiak a tha khawp mai. Hmarchhate hi kan thar that kan beisei.

















Zo Anthur te pawh an tiak tha khawp mai.

















Kan Pa nen ti hian thlai tiak thenkhat te kan phun sawn a.

















Kan Bal lin te pawh a to tha kan ti hle.

















Kan dawl zik thar hmasak ber te pawh kan la ve a.

















Kan thlai thar neih hmasak te chu kan han la ve tan a.





Thursday, April 07, 2011

Entry - 110 " Mizo Lo Neih "

Mizo Lo neih dan kha zirlai bu a ka chhiar bak chu engmah a tak a han tawn hriat ka nei ngai lova. Hei kumin chu kan huan ah Mizo lo neih dan ang deuh khan thlai hmun tur kan han siam a, vawikhatna a ni bawk a zawh tur ka nghah hle mai. 

A hmasa ber in lo chu kan han vat a.
Vah Chap


















Lo chu kan han vat phawt a, chuan hun eng nge maw chen chu ti khian ni sa in a lo em ro a, ti chuan March thla ah an hal thin. Tun lai ah chuan Sawrkar lam in Lo hal hun te District tin ah a siam hrang vek a. Kei ni huan awmna chu Lengpui Airport hnaih lam a nih avangin, a hal hun pawh tlai lam thlawhna hnuhnung ber thlawh chhuah hun nghah kher a ngai a. A that dan tak ah chuan chhun ni kang hun lai tak hi hal hun tha ber ah upa te chuan an ngai bawk.

kang var.


















March thla a lo thlen chuan, Lo chu kan hal ta a chu chu kang var an ti. Meivap vel chuan lo hmun chu a tih lan var vang in kang var an tih na chhan chu a nih mai ka ring deuh a.

Kang varah chuan Thlai chi chu thlak tur in ka feh a, nisat vang lai tak mai a thlai chi vel han thlak chu a lum duh khawp mai.Mizo lo neih dan pangngai kha a ni mai a, thlai pawh a chi kim in an thlak thin ang kha kan ching ve vek a.

Bal te ka ling a....


















Tlai lam ni tlak dawn thleng in hna kan thawk a, tlai lam boruak a nuam in a dai nuam hle. Nileng a thlan tla zawih zawih a hna han thawh hnu chuan taksa pawh a rawl ve thum thei.
Tlai lam ni tla tur.

Wednesday, February 23, 2011

Entry - 109 " Broccoli salad siam dan"

Broccoli Salad


















Broccoli hi Mizoramah hian kan ching uar ve ta hle mai.  A thar hun vanglai chuan Bazar velah pawh an zuar nasa thei hle. Thlai hrisel tak a nih a vangin mitin hian an ei uar hle awm e. A siam dan pawh chi hrang tam takin a siam thei. Tunah chuan a hel ei chi in ka han siam mai ang e.

Thil mamawhte :

1. Broccoli - 250 gram
2. Hmarcha kan rawt dip - Thirfiante khat
3. Tomato - 1 ( lian tha deuh )
4. Purun sen - 1 ( lian tha deuh )
5. Bekang - Thirfiante thum
6. Tel - Thirfiante 5
7. Chi 

A siam dan :

Broccoli hi fai tha tak a sil a, ei nuam tawk a chan a, plate fai tak dah tur.
Tomato hi a hmin tha tawkin rawh a, zai sawm a tel tur.
Hmarcha dip, Bekang, Purun sen leh chi hi telh leh ang che.
Tel hi hmui tha tak a chhuan hnuah, plate a broccoli chawh pawlh sa ah khan leih ang che.
Broccoli salad chu tha takin chawh pawlh tur.
Broccoli salad chu ei theih in peih a ni ta e.

Monday, January 31, 2011

Entry - 108 " Mizo chawhmeh - Kawhtebel"

Mizo chawhmeh - Kawhtebel.
Kawhtebel hi thal lai chawhmeh a ni ber awm e. A tui ti tan chuan chawhmeh tui tak chu a ni ang. Hei hi a kung atang a, an lawh tlak tawh a ni. A kung hi hling nei a nih avangin a lawh vel pawh awl ai lo tak a ni.

















Ti hian chawhmeh a tan ka han siam ta a. A tui khawp mai.

Thil mawmawhte :
1. Kawhtebel kg chanve.
2. Chhawhchi ( den sawm sa )
3. Purun sen ( bul 2 )
4. Tel ( thir fiante 5 )
5. Chi
6. Hmarchha hmui (den sawm)

A siam dan :
1. Kawhtebel kha a hmin tui tawhin chhum hmin hmasa ang che.
2. Thleng / Plate fai tak ah khawtebel hmin sa kha a tui tel lovin la chhuak leh ang che.
3. Kawhtebel ah chuan chhawhchi, purun sen zai sawm, chi leh hmarchha kha i phul kual ang.
4. Tel kha hmui takin chhuang ang che.
5. Heng thil mamawh zawng zawng i phul zawh hnu ah, i tel chhuan hmui kha leih kual ang che.
6. Hneh takin i chawh pawlh tawh ang.

Tunah chuan i kawhtebel siam tui tak chu ei theih in i chhawp chhuak tawh mai dawn ni.