Friday, May 24, 2013

Entry - 125 " Holiday and Travel"

Hna hah tak leh rim tak a thawh hnu a chawlh han hman hi chu a lo nuam in a thawven thlak khawp mai. Rilru thawven hun nei em em lo in hna lam hlir rilru ah ka dah reng thin a, hna ka thawh hi chuan thil dang ngaihtuah em em lo chi ka lo ni bawk nen, hetia chawlh hun han neih hi chuan zin vah vel leh khawi lo hmun dang kal hi ka duhthu sam ber a ni. Kumin summmer holiday pawh plan fel tak nen chawlh hlimawm tak  chu tluang takin ka hmang liam ve leh ta. Chu mi kar a ka hlim na pakhat chu ka nau Cathy hian min tawiawm thei hi ka lawm na pakhat a ni tel. A ni pawh hna lam ah buai ve reng a ni bawk a, hun hman dun hi a khat teh a nia. Chu mi kar a he hun hlimawm tak kan hmang dun thei hi ka hlim in ka lawm hle. 

Tamil Nadu thing tlang lam te leh Ramewaran thliarkar te fang dun in hun hlimawm tak kan nei. He India ram thliarkar te hi zirlai bu a ka zir bak kha a tak a han hmuh awm ngai reng reng lo kha nia. Tunah hei a takin a ram chu ka han fang ta a, zirlai ka nih lai a geography zirlai vel ka chhiar liam tak te kha ka chhui kir leh a, lung te pawh a ti leng khawp mai. He mi hun lawmawm tak min pe tu Lalpa ropui zia leh a thil siam ropui zia hi theih ngilh chi rual a ni lo bawk.
Rameswaran Thliarkar mawi tak mai chu!!!


Rail kawng a he thliakar kal pawh na awm chhun.....
He Leih hi lawng lian pal tlang bik a ni a, hun bi neih ah a in hawng mai zel. 
Thliarkar a Biak IN
Bay of Bengal tuipui tui te pawh kan han dai ve bawk a.......

Sunday, March 24, 2013

Entry - 124 " International Women's Day"



International Women’s Day chu tluang takin kan hmang liam a. He mi ni pual hian thu chah hrang hrang ngaihnawm tak tak te ngaihthlak a ni bawk. Hmeichhe chanvo leh dikna humhalhna lam kawng a mithiam ziah te zir ho a ni bawk. Hmeichhe staff tan bik thil pek te kan dawng tel bawk. Beach & Resort lam ah pawh hun nuam tak thawhpui ten nen kan hmang tlang bawk , a hlimawm tak zet in kan hlawk pui tlang hle.

Thil pek ka dawn......













 










































































 







Sunday, February 24, 2013

Entry - 123 " Arsa Thinghmarcha her dip nen a kan"

Arsa hi siam tlang lawn ber leh hmin hma ni bawk a. A kan dan pawh chi hrang tam tak a awm a. Thinghmarcha nen a kan te hian a tui khawp mai. Thinghmarcha her dip nen a kan hi a tui dan a dang em em bawk. Siam awlsam tui tho bawk si.


Saturday, January 05, 2013

Entry - 122 " KUMTHAR CHIBAI - 2013"

Kumthar 2013 chu Lalpa hruaina in ka lo hmang tan ve leh ta reng mai. Mihring a chhut phei chuan lawmna hlirin min tuam ni berin ka hria. Nitin mai a hriselna tha tak nei a, ka hun tam tak min hman liam tir tu Lalpa hi a va han ropui em!

Ka chhung leh khat, thian tha tlang hrang leh mual hrang a cheng zawng zawng, min duh sakna leh hmangaih na thu tin reng ka dawn zo zai te hi, a ropui in a hlu tak zet e. A mal a chhiar dawn phei chuan chhiar sen loh malsawmna ni ber in ka hria. Hla pakhat " Thil thlawn Pek a Malin Chhiar theuh la" tih hla te khan rilru a luah khat hneh hle mai. He blog avang a ka thian te zawng zawng leh hun buai tak kar a min lo tlawh thin tu zawng zawng te in vaiin "Kumthar Chibai ka buk che u. Lalpan Kumtluanin in thil tih na kawng engkimah hruaiin awm  pui zel che u rawh se".


















Sunday, November 11, 2012

Entry - 121 " Bawngsa Kabab"



















BAWNGSA KABAB siamna mamawhte :
  
1.       Bawngsa 
2.       Purun sen lian tha ve pangngai 1
3.       Purun Var mal 6
4.       Hmarcha pui hring du ang tawk
5.       Limbu tui thirfiante 2
6.       Sawhthing tlem chan sawm
7.       Ghee or Butter thirfiante 1
8.       Kebab masala packet 1
9.      Curd thirfiante 2
10.     Chi duh ang tawk.

Heng bawlhlo ho hi her sawm vek hnuah bawngsa nen hian marinate tur. Marinate hun chhung hi dar 8 ai a tlem lo ni thei se duhthu sam. Sa hi a nem tha duh bik a ei a nuam. Ovenah minute 45 vel ur tur. Chuan bawngsa kebab chu a ei theih a ni tawh mai.

Thursday, October 04, 2012

Entry - 120 " PURSE"

Kha mi ni  zet kha chu hrilh a hai ngei mai!!. Biakin a ka kal tur chu Busah chuan ka chuang ve ta a, mihring kan tam bawk a, a tawt ang reng a. Tichuan Bus fare te chu kan pe a fel a kan kal ta zel a. A thui tham deuh avangin ka ning ve tep hman. Mahni hmel an pui loh hlir chuan pui ta chu en te pawh hi min en duh deuh nge nge bawk. Minute 45 vel kan chuan hnu chuan kan thleng ve ta a. A tawt deuh avangin chhuk lam pawh chu midang nek deuh sawk pah a chet vel a ngai tel bawk.

Bus dinna hmun atang chuan ka Biakin kal tum a pawh chu ke kal phak lek a ni tawh a, rei lo te ah Biakin chu ka thleng phei nghal mai bawk a. Mahni in tawngtai na hun te hmangin ka awm deuh  reng a. Midang Biakin tlawhtu pawh an tam khawp mai. Tichuan, ka mobile ah hian message tone a rawn ri a, mahse ka en mai lo Biakin chhungah ka la awm avangin. Tichuan hmanhmawh lo takin Biakin a tang chuan ka chhuak a, ka message dawn chu kan en a “ I ATM pin code a dik lo hemi numberah hian rawn zawt chiang rawh” tih message hi ka dawng a. Ka la bang bo hle mai.

Biakin bul velah te chuan ka tei kual vel leh rih a, ka message dawn kha ngaihtuah zui lem lo chuan. Mahse vawithum lai mai a rawn thleng nawn tak ah chuan ka bag ah lai chu kan en a, ka PURSE chu a lo awm reng reng lo mai chu niin. Tichuan hamhaih tak chuan ka ding ta reng a, han zawn ngaihna lah chu a awm der lo mai. Ka message dawn atang khan midangin ka PURSE chu lain ka ATM card chu lo hman an tum ngei tih kha a chiang tawh a. Tichuan ka message dawn atang a number biakna tur min pekah chuan ka be nghal zung zung a, hman theih loh turin ka block tir hma sa ber ta a. A dang ka Purse chhung a awm ho ka ngaihtuah a, pawisa fai chu tlem te a awm a, mahse ka Rosary roh tak leh ka ID ho kha ka ngaituah nghal zat a. Rilru hreawm ti tak chung chuan in lam chu ka haw ta a. Ka ngaihtuah na ah chuan ka PURSE la tu khan a chhung a en khan pawisa kha awm tlem si a, engnge tan nge a tih ang aw, ATM card ho lah chu a hman theih dawn chuang si lova tiin ka ngaihtuah neuh neuh reng.

Ka Purse bo atang a kar li na Chawlhni zing dar 10:00 a.m bawr vel hian phone call ka dawng a, Ka PURSE bo an hmuh thu min rawn hrilh chu niin. Ka awih lo tep zawk a, a chhan chu hetiang khawpui lian ah hian ka hmuh leh hi ka in ring ngai lo hmiah. A chhartu hi tui mi in a sem kual a eizawng ve mai niin chu chuan Ms.Rosa hnenah a lo pe leh a. Ms.Rosa chuan a chhunga  thil awm te an en a, min contact theihna tur awm atang chuan min rawn phone thei ta a ni. An awmna address te min rawn pe nghal a, tichuan ka va kal ta a. Him takin engmah bo thlau awm loin ka ID pawimawh leh ka Rosary roh em em chu ka nei let leh ta vek a nih chu. Pawisa tlem ka neih ve erawh chu a a awm lo. Hetiang mi rinawm ka tawng hi ka vannei khawp mai. Lalpa malsawmna leh zahngaihna vang a ni ka ti lo thei lo.
Ms.Rosa. Ka Purse min lo vawn him sak tu.


















Ka Purse bo ka hmuh let leh chu.


















Ka Purse bo vang a ka thian chhar belh. (Ms.Rosa thiannu)














Tuesday, September 04, 2012

Entry "119" Vellore Lamtluang....

Zing dar 2 :00 a.m a ri chiah tih in, ka phone chu a rawn ri a. Nidang ah chung ang em em a zing in, ka phone hi a ri ngai si lo. Ka han en chuan, Aizawl lam atangin U Ruati chuan min rawn phone niin. Ka han chhang a, min phone chhan te min han hrilh a. Kei pawh chu a tuk zing khua a lo var chuan, ka in siam sawk sawk a, Vellore lam chu ka pan ta a. 

Kan U pakhat chu na tak a dam lo mek in, CMC Damdawiin ah chuan enkawl mek a ni. Khaw chhung lam zai te a nih avangin, duh ang chuan kan dam chak lo hle bawk. Hemi chungchang ah hian Vellore Mizo lo awm te chung ah ka lawm hle mai. Tin, thisen te pawh pek ngai hial a nih in, tlawmngai takin Mizo tlangval fel tak mai, Bangalore lam a lehkha zir Sangzuala'n thisen min pe bawk a. Mizo nih hi a ropui ka ti hle mai! Synod House enkawl tu Pastor pawh a tul engkim ah min pui reng bawk. A chungah pawh kan lawm hle.






































Chu tia buai leh hreawm karah pawh chuan, lawmna lam pawhin min kalsan chuang lo. Ka U Dawnga fanu chu CMC, Vellore hmun ngei a MBBS zir thei tur in, Mizoram reservation exam ah Topper niin an rawn thleng thla ve leh chiah bawk a.Ka hah tawh ve bawk nen, an hmel ka hmu chu ka thaw te pawh a veng huai mai.Ti hian thingpui te pawh kan in ho ve a.Tin, ka student hlui Malsawmi pawhin MBBS chu a lo zir ve bawk a. Kum 10 chuang meuh in hmuh loh pawhin, mahni student hlui hmel te pawh kan la hre ve thei zel e.....













Ka nau Marini leh Ka student hlui Malsawmin te nen.


















Mahse kan hlim lai ni te chu a rei lo hle mai. Mihring taksa dam lam chuan hma kan sawn lo hle mai. Beidawng takin kan awm leh thin a. Tichuan, a tawp ah chuan, kan Lalpa chuan he lei hreawm leh nat na a ta, Ka u dam lo chu min lak sak ta. A hnenah thlamuang takin min chawlh san ta a ni. 

Vellore Mizo ten thlamuang takin, Chapel of Hope ah thlah na min neih pui ta a ni.






Mizoram House kan thlen na hmun.....